ବ୍ରାହ୍ମଣୀଗାଁ (TKNEWS) : ୨୮/ ୬ କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକର ବ୍ରାହ୍ମଣୀଗାଁର ଓଡିଆ ସାହିରେ ଚୈତରାଇ ପର୍ବ ମହାସମାରୋହରେ ପାଳିତ ହୋଇଛି । ଉକ୍ତ ପର୍ଵପାଳନ ଉପଲକ୍ଷେ ବର୍ଷର ପ୍ରଥମ ବିହନକୁ ପୂଜା କରାଯାଇଥାଏ। ଗ୍ରାମର ମୁଖ୍ୟ ପୁଜାରୀ ନରେଶ ପାତ୍ର ଉକ୍ତ ବିହନକୁ ନେଇ ସମସ୍ତ ଦେବାଦେବୀଙ୍କୁ ପୂଜାର୍ଚ୍ଚନା କରିଥିଲେ ଏବଂ ବୁରକାଠରେ ନିର୍ମିତ ଚକରେ ଏକ ଶଗଡ ଗାଡ଼ି ତିଆରି କରି ଗ୍ରାମ୍ୟଦେବତୀଙ୍କୁ ଗ୍ରାମ ପରିଭ୍ରମଣ କରି ବନ୍ଦାପନା କରିଥିଲେ । ପ୍ରଥମେ ଗ୍ରାମଦେବୀଙ୍କ ଘରେ ପୂଜାର୍ଚ୍ଚନା ପରେ ଗ୍ରାମ ପରିଭ୍ରମଣ କରି ବାଚିଗାଡ଼ା ସ୍ଥିତ ମା ଠାକୁରାଣୀଙ୍କ ମନ୍ଦିର ପର୍ଯ୍ୟନ୍ତ ଏକ ଶୋଭାଯାତ୍ରାରେ ଯାଇ ସେଠାରେ ମାନସିକଧାରୀମାନେ ଭୋଗ ଚଢାଇବା ସହ ମୁଖ୍ୟ ପୂଜାରୀ ଶ୍ରୀ ପାତ୍ର ପାରମ୍ପରିକ ରୀତିକାନ୍ତିରେ ପୂଜା କରିଥିଲେ । ଆୟୋଜିତ କାର୍ଯ୍ୟକ୍ରମରେ ଗ୍ରାମର ଆବାଳ ଵୃଦ୍ଧବନିତା ଯୋଗଦାନ କରିଥିଲେ l ଉକ୍ତ ପର୍ବ ପରିଚାଳନା ପାଇଁ ଧୃବ ଚରଣ ବିନ୍ଦାଣୀ, ପଞ୍ଚୁ ବେହର୍ଦଳାଇ, କାର୍ତ୍ତିକ ପାତ୍ର, ଶୁକଦେବ ବେହର୍ଦଳାଇ ସହଯୋଗ କରିଥିଲେ।
