କଟକ (TKNEWS) : 12/07/22 କଟକର ଜିଲ୍ଲାପାଳ ଡଃ ଭବାନୀ ଶଙ୍କର ଚଇନି ” ଡକ୍ଟରେଟ୍ ” ଉପାଧି ଲାଭ କରିଥିବାରୁ ଓଡିଶା ୱେବ୍ ଆଣ୍ଡ ମିଡିଆ ଆସୋସିଏସନ ଓଡିଶା, ଭୁବନେଶ୍ୱର ଓ ସମ୍ମିଳିତ କର୍ମଜୀବୀ ସାମ୍ବାଦିକ ସଂଘ, କଟକ ଜିଲ୍ଲା ଶାଖାର ମିଳିତ ଆନୁକୂଲ୍ୟରେ ଜିଲ୍ଲାପାଳଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧିତ କରାଯାଇଛି। କଟକର ଜିଲ୍ଲାପାଳ ଥାଇ ଏହି ସମ୍ମାନସୂଚକ ଉପାଧିରେ ଭୂଷିତ ହୋଇ ମାନନୀୟ ଜିଲ୍ଲାପାଳ କଟକର ଗର୍ବ ଓ ଗୌରବ ପାଲଟିଥିବାବେଳେ କଟକ ଜିଲ୍ଲାକୁ ସର୍ବଶ୍ରେଷ୍ଠ କରିବାର ଏହି ଅବଦାନ ଲାଗି କଟକବାସୀ ଚିରଋଣୀ ବୋଲି ସାମ୍ବାଦିକ ସଂଘ ପକ୍ଷରୁ ମତପ୍ରକାଶ ପାଇଥିଲା I ଉକ୍ତ କାର୍ଯ୍ୟକ୍ରମରେ ଓଡିଶା ଓ୍ବେବ୍ ଆଣ୍ଡ ଡିଜିଟାଲ ମିଡିଆ ଆସୋସିଏସନ,ଓଡିଶାର ରାଜ୍ୟ ସାଧାରଣ ସମ୍ପାଦକ ତଥା ସମ୍ମିଳିତ କର୍ମଜୀବୀ ସାମ୍ବାଦିକ ସଂଘ, କଟକ ଜିଲ୍ଲା ଶାଖାର ସାଧାରଣ ସମ୍ପାଦକ ଓ ସୁଦର୍ଶନ ଟିଭି ଓଡିଆର ମୁଖ୍ୟ ସମ୍ବାଦଦାତା ସଞ୍ଜୟ କୁମାର ଶତପଥୀ, ଦୈନିକ ସମ୍ବାଦପତ୍ର “ପୃଷ୍ଟଭୂମି” ର ମୁଖ୍ୟ ସମ୍ବାଦଦାତା ଜିତେନ୍ଦ୍ର କୁମାର ପଣ୍ଡା, ଶ୍ରୀ ଚକ୍ର ଟିଭିର ମୁଖ୍ୟ ଗୌତମ ସାହୁ, ଜେପିସି ନ୍ୟୁଜର ସମ୍ବାଦଦାତା ବିସ୍ମୟ କୁମାର ନନ୍ଦ, ଶ୍ରୀ ଚକ୍ର ଟିଭିର କଟକ ସମ୍ବାଦଦାତା ସତ୍ୟଜିତ ସେନାପତି ଓ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ।
