ଫୁଲବାଣୀ (TKNEWSMEDIA) ୧୦.୦୭.୨୦୨୪ : ଫୁଲବାଣୀ ସ୍ଥିତ ସଞ୍ଜୟ ସ୍ମୃତି ସରକାରୀ ମହିଳା ମହାବିଦ୍ୟାଳୟରେ ବନମହୋତ୍ସବ ସପ୍ତାହ ପାଳନ ଅବସରରେ ‘ମେଗା ବୃକ୍ଷରୋପଣ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷା ଡକ୍ଟର ତନୁଜା ସିଂହଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମହାବିଦ୍ୟାଳୟ ପରିସରରେ ବିଭିନ୍ନ କିସମର ବୃକ୍ଷରୋପଣ କରାଯାଇଥିଲା । ମହାବିଦ୍ୟାଳୟର ଜାତୀୟ ସେବା ଯୋଜନାର ସଂଯୋଜିକା ଡକ୍ଟର ତପସ୍ଵିନୀ ଗୌଡ଼, ଜାତୀୟ ସେବା ଯୋଜନାର ସ୍ୱେଚ୍ଛାସେବୀ ବୃନ୍ଦ ଏବଂ ଶ୍ରୀ ସତ୍ୟସାଇ ସେବା ସଂଗଠନ, ଓଡ଼ିଶାର ଶ୍ରୀ ପ୍ରମୋଦ କୁମାର ପତି, ଶ୍ରୀ ମନୋଜ ମିଶ୍ର, ଶ୍ରୀ ଶ୍ରୀରାମ ପାତ୍ର, ଶ୍ରୀମତୀ ସସ୍ମିତା ରାୟଗୁରୁ, ବିୟତକେଶ ତ୍ରିପାଠୀ ଆଦିଙ୍କ ମିଳିତ ସହଯୋଗରେ ଏହି କାର୍ଯ୍ୟକ୍ରମ ପରିଚାଳିତ ହୋଇଥିଲା । ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ବିଭିନ୍ନ ବିଭାଗର ଅଧ୍ୟାପକ ଓ ଅଧ୍ୟାପିକା ଅଂଶଗ୍ରହଣ କରିଥିଲେ ।
ଏହା ସହିତ ଜୁଲାଇ ୬ ତାରିଖରେ ମହାବିଦ୍ୟାଳୟର ଯୁବ ରେଡକ୍ରସ୍ ସ୍ୱେଚ୍ଛାସେବୀଙ୍କ ମିଳିତ ସହଯୋଗରେ ଅନୁଷ୍ଠାନରେ ବନ ମହୋତ୍ସବ ପାଳନ ହୋଇଯାଇଛି। ଏଥିରେ ମହାବିଦ୍ୟାଳୟର ଅଧ୍ୟକ୍ଷା ଡକ୍ଟର ତନୁଜା ସିଂହ, ଫୁଲବାଣୀ ବନ ବିଭାଗର ରେଞ୍ଜର ଶ୍ରୀ ଶିବ ଶଙ୍କର ଲେଙ୍କା ଏବଂ ଯୁବ ରେଡକ୍ରସର ସଂଯୋଜିକା ଶ୍ରୀମତୀ ଯଶୋଦା ଜେନା ବୃକ୍ଷରୋପଣ କରିବା ସହିତ ଏହାର ସଂରକ୍ଷଣ ନିମିତ୍ତ ଛାତ୍ରୀମାନଙ୍କୁ ଉତ୍ସାହିତ କରିଥିଲେ।
